MARCELA E ELISA. (Á VOLTA D)O LESBIANISMO NO CINEMA

Coincidindo ca exposición inaugurada o 22 de novembro no espazo cultural NORMAL sobre Marcela e Elisa, Presentase un ciclo sobre o lesbianismo no cinema que, desde unha perspectiva poliédrica, pretende abranguer unha ampla variedade de enfoques sobre o tema.  Poderase ver algunhas das achegas máis importantes da vangarda europea e norteamericana dos anos 60 (Fassbinder, Vera Chitylová, Kenneth Anger), unha das primeiras aproximacións ao tema por parte do Hollywood posclásico (A calumnia, William Wyler), escrito pola guionista e dramaturga lesbiana Lillian Hellman, ou as curtas da chamada nai do cine feminista Maya Deren e o impactante e descoñecido achegamento dun dos pais da modernidade xaponesa en Paixón, de Yasuzo Masumura.

Programa

NOVEMBRO:

• 24. A CALUMNIA. William Wyler, 1961.

DECEMBRO:

• 1. AS MARGARIDAS. Vera Chitylová, 1966.

XANEIRO:

• 12. PAIXÓN. Yasuzo Masumura, 1964.
• 19. SESIÓN DE CURTAMETRAXES: Meshes of the Afternoon. Maya Deren, 1943; Two Women. Man Ray, sen data; Inauguration of the Pleasure Dome. Kenneth Anger, 1954-56.
• 26. GO FISH. Rose Troche, 1994.

FEBREIRO:

• 2. AS AMARGAS BÁGOAS DE PETRA VON KANT. R. W. Fassbinder, 1972.

Información complementaria:

• As proxeccións terán lugar os xoves indicados, ás 20.00 horas.
• Entrada libre até completar a capacidade.
• Presentación e textos dos filmes.
• Organiza: Aula de Cinema e Imaxe, NORMAL.

 

Orson Welles, un prestidixitador do cinema.

Impartido polo catedrático Santos Zunzunegui, unha das voces máis relevantes da historiografía do cinema en España,o curso dará unha visión integral da figura de Orson Welles, un cineasta ao cal, como Jean-Luc Godard lembrou, “todos sempre lle deberán todo”. Estudarase  a súa obra americana e o seu cine apátrida.

Retrasado para o mes de marzo

Do 16 ao 19 de novembro de 2011. A inscrición pódese facer enviando un correo electrónico cos teus datos de contacto a aulacine@udc.es ou ben chamando aos tels. 981167 000, exts. 3697/4502/1962

Elas tras a cámara

O novo ciclo de cine da Fundación Novacaixagalicia – CSM arranca no mes de setembro con perspectiva feminina. Icíar Bollaín, Isabel Coixet, Claudia Llosa ou Sofia Coppola son algunhas das mulleres que asinan os filmes que se presentan no  ciclo ‘Elas tras a cámara’, un programa para cinéfilos que durará ata o mes de decembro nas sedes da Coruña, Ferrol, Lugo e Compostela .

Non hai un só cine feminino, hai moitas directoras e múltiples perspectivas sobre o mundo que as rodea. A través desas olladas femininas podemos chegar a coñecer a realidade da muller en diferentes partes do mundo e en diferentes momentos históricos, desde o Londres dos anos sesenta para unha estudante de bacharelato (An Education), unha voda concertada na tradicional Nova Dehli (A voda do Monzón) ou as dificultades que atravesa unha nena no Afganistán de posguerra (Buda explotou por vergoña).

A segunda guerra mundial no cine.

O Museo Militar Rexional ofrece desde o día 5 de xullo e ata o 15 de agosto, unha exposición de fotografía baixo o título “A II Guerra Mundial no cine”. A montaxe dedica un apartado especial á achega do exército español ás producións de Hollywood. A mostra céntrase en carteis de películas, programas, fotografías e carátulas.

O horario en que se pode visitar de forma gratuíta é:

De luns a sábado de 10:00 a 14:00 horas e de 16:00 a 19:00 horas.
Domingos e festivos de 10:00 a 14:00 horas

Escritas Cinematográficas entre a Experimentación e a Industria

Un ano máis a Universidade convoca un curso de verán sobre cinema. Este ano nace con motivo da exposición dedicada en NORMAL ao cineasta estadounidense David Lynch, e tratará de achegarse ás escritas de cineastas que como el manteñen un complexo equilibrio entre o cinema de “autor” e a experimentación cinematográfica . Analizarase o traballo dalgúns dos cineastas máis interesantes da actualidade, como David Lynch, Atom Egoyan, Richard Linklater, Gus van Sant, Takeshi Kitano ou Jaime Rosales.

Máis información na web da UDC

Mostra de cinema periférico

Estes días estase celebrando no edificio do antigo cárcere provincial da Coruña a 2ª Mostra de cinema periférico S8.

Unha nova cita que trae o mellor do cine periférico, o Super 8 e a vangarda, ademais de dar un necesario espazo ao cine performativo, ás instalacións, á didáctica e a moitas máis manifestacións.

Podedes consultar toda a programación en: http://www.s8cinema.com/portal/

RE. (SCALE)

Un ano máis e para que collamos forzas para o final de curso organizase cinefetsac durante os días 25, 26, 27 e 28 de abril. Haberá dúas sesións con diferentes películas ás 13:00 horas e ás 16:00 no salón de actos da Escola.

Este ano o tema elexido e a reinterpretación das escalas da arquitectura.

Algunhas das proxecions serán comentadas por profesores da Escola.

Na biblioteca temos algúns dos titulos elexidos os outros incorporarémolos á colección en breve.

Ciclo de cine verde da UDC

A oficina de medio ambiente da Universidade da Coruña organiza o seu primeiro ciclo de de cine verde. Este xoves realizaráse a primeira proxección ás 18.30 h no salón de actos da Facultade de Ciencias. O tema será o cambio climático con la proxección de:
Historia del agua embotellada /La hora once

Xoves 28 de abril ás 18.30 h no salón de graos da Facultade de Económicas
Proxección de El síndrome de china.

Xoves 5 de maio ás 18.30 h no salón de actos da Facultade de informática
Proxección de Batalla en Seattle.

Podési inscribiros mediante email a oma2@udc.es. Antes de cada proxección haberá unha introducción a cargo dun profesor especialista no tema.

ACTION/REACTION: O UNIVERSO CREATIVO DE DAVID LYNCH

 

Percorrido polo universo creativo interdisciplinar de David Lynch, que se compón ademais do seu cinema, dunha pequena mostra da súa produción plástica, televisiva e musical. A estrutura da mostra pretende ofrecer unha lectura conxunta de todas as facetas creativas de Lynch, co fin de destacar as sólidas relacións que manteñen os seus discursos nos diferentes formatos, a importancia da súa obra audiovisual e o diálogo permanente que mantén coa vangarda surrealista en xeral e cos seus referentes artísticos, como poden se Francis Bacon, Salvador Dalí….

Pode visitarse no espazo cultural Normal, sito no Paseo de Ronda .

Nos vieiros da mente

Desde as súas orixes, a sétima arte sentiuse fascinado pola sicopatología.A Fundación Caixa Galicia, dentro do Proxecto NISE que loita contra a estigmatización da enfermidade mental, proponse achegar algúns títulos actuais que mostran diferentes patoloxías desde perspectivas totalmente opostas.

O ciclo ‘Nos vieiros dá mente’ trae filmes que van desde o humor negro de Mellor? Imposible de James L. Brocks, á visión desgarradora de Alan Parker con Birdy, sen esquecer o excepcional documental realizado en primeira persoa por Vicente Louro (Só, 2009).

Podedes consultar o calendario e horario na web da  Fundación Caixa Galicia